Wednesday, April 11, 2007

درس تاريخ


نحنا بلبنان بنتباها بتاريخنا، إنّو حاضرنا ما بيخلا من إنجازات متل سوليدير ونصر إلهي و نايلة معوض، بس كل هيدا ما بيتقارن مع تاريخنا. إنّو حدا بيقلّك حرب الكلّه أو الحرف مثلاً، و هاو ما شي يعني بس نموذج عن إنجازاتنا التاريخيّة.

لذلك بتقهر كتير لمّا بتلاقي حدا لبناني أو متلبنن عم يمشي عكس التاريخ. فلازم نصحّح الوضع. المشي بعكس التاريخ مرفوض تحت الفصل السابع . صحيح بنطنّش إذا مشيت بعكس السير بس مش التاريخ. لا لا تّيؤ، شو بيقولو عنّا فخرالدين و أليسار. عيب. إنّو ما بتنبلع .و أنا مش كتير نيئة بالبلع إنّو حطلّي غمّة أو نخاعات و بزلطن زلط مش هون المشكلة.

أحد الخيارات البديلة عن المشي عكس التاريخ الدارجة هالإيّام هيّي إنو تِعكُس تاريخك. عقول المثل تاريخك مش مريح، عْكِسوا واستريح. مين رح يحاسبك ؟

هلّق إذا تاريخك ما إشبو شي، جغل يعني، عاكس تاريخك، إقرصو بطيزو و قلّو شو يا قشطة؟ أو غمزلو من بعيد لبعيد إذا بتفضّل بس إنّو المهم ما تمشي بعكسو.

الشروال الفوشيا مش ستيلََك؟ إيه نسا التاريخ من أساسو لبوس باغي جينز عنص طيزك سمّعلي نثر توباك، و عقلبي متل السكّر. آخر همّي.

ولكن مع هيدا كلّو في بعض الأشخاص بيحاولو كتير يِعِكسو و يعاكسو ويتناسو التاريخ بس لسبب أو آخر هاو الأشخاص قد ما حاولوا... كانوا ... و لا يزالو... و رح يضلّو طول حياتن عَكِس إخت التاريخ.

عسى أن يتعلّمو الدرس.

3 comments:

Anonymous said...

Wlak benos samsoomet 2alba 2ejet...(2alba lal ku7ba2)..

shaklak mish bass khareej Jozeph, 7assak ka2innak akhed Suff ma3 Ziad Kamain..
Keep it up .

Moussa Bashir said...

اسأللي ياه هيدا للي عم يحكي شــو تاريخو
او ليك اسألن كلن شو تاريخن
إختن على إخت تاريخن

Amal Ziad Kaawash أمل زياد كعوش said...

و على قول اللي قال

اجا التاريخ طعمانا كف

جيدة منك جمال