ميشال أفندي

يا حضرة الجنرال العماد الدولة والرئيس والاصلاح والتغيير وكل شي،
يا أشرف الناس و أكرم الناس و أعزّ الناس و يا أحلى عالم إنت،
بدّك رئاسة الجمهوريّة؟ لك خوذ الرئاسات التلاتة و فوقن العرش الملكي الهاشمي الاردني و حبّة مسك إذا بدّك،
هلّقتنيّي صارفي إجماع وطني عهَل قضيّة، اسلام و مسيحيّة ، دروز و شيعة و سنّية.بس في شرط واحد.
بليز ، برحمة إمّك و بيّك ، بحياة لي راحوا ولّي رح يرجعوا، بنبَوّس ايديك وإجريك. إحرُق التياب لي كنت لابسها نهار الاحد الماضي! شو كاين عمبتفكّر؟ لك عيب ، في مليون واحد شافوك . منظرك كان من اساليب التعذيب المحظورة بالمعاهدات الدوليّة ، لا بغوانتانامو ولا بأبو غريب ولا حتّى بالمزّة عملوها هيدي. لو أولمرت تجرّأ و طلع هيك بالحرب كانوا انبطحوا رجال الله في الميدان و يعطيك العافية. جماعة كوير آي قلبوا سترايت واعتزلوا المهنة بس شافوك كيا زلمي.
صارلو البلد يومين تلاتة متل المضروب عراسو من صدمة هالشوفة، لك حتّى الإكسترا بوروجو ما عم ينفع.
بشرفك ما بقى تعيدا.

متفرقات

- زافين و 666 من أجل لبنان
أنا كنت شاكك في لهلشخص من زمان
هلّق عرفت ليش بيتزرزع بدني كل ما شوفو

- أنا بحترم خالد صاغية، هو أوّل واحد بقرالو مقالتو بالأخبار بعد ما إخلص من جوزيف سماحة ، وبعد زياد لمّا يكتب، و بعد الأبراج أكيد.
بس عم لاحظ إنو كل ما أكتب عن موضوع، هو بيكتب عن نفس الموضوع (آخر مثال كان كذبة الأزعور). فعمبتسائَل هل يا ترى هيدا لانّو طاغي علينا الفكر الشمولي لي عم بيبشّرنا في بيك كليمنصو؟

- و أخيراً أغنية مهداة لملهم هلبوست يطول عمرو.